Nagapabilin nga presensya
Suno kay Mary, "Ang kalag nagapanilag lang, kag wala sila nagahalin."
Sang una nga tion, ang mga manugbulong kag babaylan amo ang nagapanguna sa pamutang-butang. Ginapatihan nila nga kon indi mahatagan ang mga kalag, magadala sila sang balatian ukon malain nga kapalaran.
Ginpasa kay Mary ang ini nga pagtuo halin sa iya lolo nga "sorhano" nga makabatyag sang presensya nga may kaangtanan sa mga espiritu. May abilidad siya nga magpaayo sa mga nasapwan kag naga-atubang sa mga kalag.
Ang mga sorhano ang naga-atipan sang mga pamaagi nga indi makita sang ordinaryo nga mata kag naga-angkon sang katungdanan nga magtaliwan sa kalibutan.
Gina-ubra namon ini para sa kaayuhan sang mga tawo nga gasunod sang pagsulundan.
Kag para man ini sa halit sang taglugar, nga kon pahalinon mo sila, pakan-on mo danay sila." siling ni Mary.
Sa subong nga tiyempo, isa ka dako nga hangkat para kay Mary ang pagpasa sang nakaandan nila nga pagpati sa masunod nga henerasyon.
Apang, paagi sa sini nga tradisyon, nangin mabakod ang relasyon sang bilog nga pamilya nga may pag-intindihanay sa isa kag isa. Bisan talagsa na lang sila magkitaay, nagpakahulugan ini sang pagtipon liwat sang mga ginikanan kag kabataan pinaagi sa mga kalag nga ginadumdom nila.
Puno gihapon sang paglaum si Mary nga may kabataan pa nga magapanumbalik, magaupod, kag magapadayon sang ila ginsuguran.
Indi lang mga kalag ang ginhalinan sang pamutang-butang, kundi ang gahum nga dala kon magtipon-tipon sila sa panimalay. Indi kahadlok sa kalag ang ginatipigan kundi ang handum nga indi gid magbulagay ang pamilya, buhi man ukon nagtaliwan na.
Sa tunga sang dulom kag kahadlok, ang ini nga sahi sang pagtuo padayon nga nagasiga kaangay sang kandila nga indi mahuyop sang hangin, kag pareho sang gugma nga ginahalinan sa paghalad sang tanan.
Sa pula, puti, kag asul nga higot, ara ang kamatuoran nga wala sing makatublag sa pamilya kon ang ila paghanduraw sa mga nagtaliwan nagapabilin nga gamhanan.
Ce dimensions